Dálaí ganntanas uisce san Eoraip (Innéacs Saothraithe Uisce plus)

Bhí 29 % de chríoch an Aontais thíos leis an nganntanas uisce le linn séasúr amháin ar a laghad in 2019. D’ainneoin gur tháinig laghdú 15 % ar astarraingt uisce san Aontas idir 2000 agus 2019, ní raibh aon laghdú foriomlán ar an limistéar a ndearna dálaí ganntanas uisce difear dó. Go deimhin, ó 2010 i leith, tá an staid ag dul in olcas. Mar gheall air sin, rud atá níos measa fós ós rud é go meastar go méadóidh an t-athrú aeráide minicíocht, déine agus tionchair na dteagmhas triomaigh a thuilleadh, ní dócha go dtiocfaidh laghdú ar an nganntanas uisce faoi 2030. Tá gá le hiarracht bhreise chun úsáid inbhuanaithe uisce a áirithiú.

Cinntear ganntanasuisce go príomha trí (1) éileamh ar uisce agus tomhaltas uisce, a bhraitheann den chuid is mó ar dhaonra agus ar chineál na ngníomhaíochtaí socheacnamaíocha; (2) dálaí aeráide, lena rialaítear infhaighteacht uisce agus séasúracht an tsoláthair; agus (3) saintréithe tírdhreacha agus geolaíocha na n-abhantrach.

Leis an Innéacs Saothraithe Uisce plus (WEI+), tomhaistear ídiú uisce mar chéatadán de na hacmhainní fionnuisce in-athnuaite atá ar fáil ar leibhéal fo-abhantraí abhann agus faoi gach ceann de cheithre ráithe na bliana (3 mhí as a chéile). Léiríonn luachanna WEI+ os cionn 20 % go bhfuil acmhainní uisce faoi strus agus, dá bhrí sin, go bhfuil dálaí ganntanas uisce i réim; léiríonn luachanna os cionn 40 % go bhfuil strus dian agus go bhfuil úsáid fionnuisce neamh-inbhuanaithe.

Is táscaire ganntanas uisce é WEI+ lena soláthraítear faisnéis maidir leis an leibhéal brú a chuireann gníomhaíochtaí an duine ar acmhainní uisce nádúrtha críche. Cuidíonn sé seo leis na réimsí a bhfuil seans maith ann go mbeidh fadhbanna struis uisce iontu a aithint.