An Chomhghuaillíocht Eorpach um Thaighde Aeráide (ECRA)

Is é is aidhm don Chomhghuaillíocht Eorpach um Thaighde ar an Aeráid (ECRA) cumais taighde aeráide an Aontais a neartú, a leathnú agus a bharrfheabhsú trí shaoráidí náisiúnta den chéad scoth a chomhroinnt san Eoraip agus trí chláir uile-Aontais a chur i gcrích ar bhonn comhoibríoch. Is iad seo a leanas cuspóirí ardleibhéil na Comhghuaillíochta:

• Dlús a chur le forbairt an taighde ar an athrú aeráide trí Chláir Chomhoibritheacha taighde a cheapadh agus a chur chun feidhme, lena gcomhcheanglaítear acmhainneachtaí institiúidí taighde agus lena n-uasmhéadaítear comhlántachtaí agus sineirgí, lena n-áirítear comhar le comhpháirtithe idirnáisiúnta.
• Oibriú i dtreo comhtháthú fadtéarmach marthanach acmhainneachtaí taighde den scoth ach atá scaipthe ar fud na hEorpa, an úsáid is fearr is féidir a bhaint as acmhainní, acmhainneacht bhreise taighde a fhorbairt agus raon cuimsitheach bonneagar taighde uile-Eorpach a fhorbairt.
• Neartú a dhéanamh ar chumas na hEorpa cláir mhóra bhunúsacha chuimsitheacha taighde agus forbartha a thionscnamh agus a chur i gcrích san eolaíocht aeráide.
• Gníomhaíochtaí oiliúna, oideachais agus for-rochtana a fhorbairt, soghluaisteacht taighdeoirí a spreagadh agus timpeallacht oiliúna a chur ar fáil do mhic léinn PhD agus d’eolaithe eile in earnálacha aeráide straitéiseacha.
• Naisc agus comhpháirtíochtaí marthanacha a fhorbairt leis an tionscal chun an t-idirghníomhú idir torthaí taighde agus nuálaíocht a neartú agus chun glacadh luath torthaí a bhfuil gealladh fúthu a chothú.
• Comhairle a chur ar fáil do bheartais agus don phobal maidir leis an athrú aeráide.