Oiriúnú agus Uisce i gCeantair Uirbeacha Ghlasa atá ag tabhairt aghaidh ar Thonnta Teasa Aeráide, Stoirmeacha Triomaigh agus Foircneacha (LIFE AGUA DE PRATA)

Is é is aidhm don tionscadal LIFE AGUA DE PRATA dul i ngleic le cuid de na dúshláin maidir le ganntanas uisce atá roimh réigiún Alentejo sa Phortaingéil trí uisce ó thoibreacha agus spriongaí Graça do Divor a athúsáid go hinbhuanaithe, ar foinsí don uiscerian Rómhánach iad roimhe seo. Trí úsáid a bhaint as na foinsí sin faoi thalamh, cuideofar leis an soláthar uisce le haghaidh uisciúcháin a athrú ó bhonn agus beidh coigilteas bliantúil thart ar 120.000 m³ ar uisce dromchla cóireáilte mar thoradh air. Dá bhrí sin, laghdófar an baol go mbeidh ganntanas uisce ann le haghaidh úsáidí eile.

Tá sé d’aidhm ag an tionscadal freisin an t-uiscrian a oiriúnú ionas go bhfeidhmeoidh sé mar chóras dáileacháin atá in ann na riachtanais uisce a sholáthar do thart ar 50 % de limistéir ghlasa an bhaile. Cuirfear réitigh dhúlrabhunaithe agus cuir chuige éiceachórais i bhfeidhm sna limistéir sin freisin chun feabhas a chur ar a gcumas tonnta teasa agus báisteach fhoircneach a sheasamh. Ina theannta sin, cuirfidh an tionscadal éifeachtúlacht uisce agus bearta coigilte fuinnimh chun cinn, lena n-áirítear raon beart do ghairdíní beaga. Rannchuideoidh an tionscadal le straitéis an bhardais maidir le hoiriúnú don athrú aeráide, chomh maith le Straitéis Bhithéagsúlachta an Aontais go dtí 2020 agus an Treoir maidir le Tuilte.