Bonneagar a chur in oiriúint don athrú aeráide

Mura ndéantar é a bhainistiú, d’fhéadfadh an t-athrú aeráide difear suntasach a dhéanamh d’fheidhmíocht oibríochtúil, airgeadais, chomhshaoil agus shóisialta sócmhainní móra seasta agus bonneagair mhóir. Cuirtear i láthair sa pháipéar seo rannchuidiú an Aontais Eorpaigh le hoiriúnú don athrú aeráide in earnálacha bonneagair roghnaithe. Cumhdaítear leis bonneagar fuinnimh agus iompair chomh maith le foirgnimh san Aontas — earnálacha ar tugadh tosaíocht dóibh maidir le príomhshruthú beartais oiriúnúcháin i bPáipéar Bán 2009 maidir le hOiriúnú don Athrú Aeráide.
Pléitear sa pháipéar freisin na hionstraimí agus an maoiniú a chuireann an tAontas Eorpach ar fáil chun bonneagar na hEorpa a dhéanamh níos athléimní ó thaobh na haeráide de. Gnó domhanda atá ag fás go tapa is ea an bonneagar a chur in oiriúint don athrú aeráide, gnó ina bhféadfadh fios gnó agus taithí na hEorpa deiseanna nua eacnamaíocha a chruthú. Trí infheistíocht phoiblí agus phríobháideach a chur chun cinn i bhfoirgnimh atá athléimneach ó thaobh na haeráide de agus i mbonneagar iompair agus fuinnimh atá cliste, uasghrádaithe agus idirnasctha go hiomlán, cuireann gníomhú an Aontais ar son na haeráide go mór le fás agus poist a chruthú san Eoraip. I gcomhréir le Eoraip 2020, rannchuidíonn sé ag an am céanna le dul chun cinn i dtreo iompair níos inbhuanaithe agus i dtreo margadh fuinnimh atá slán agus glan.