Dúshláin maidir le straitéisí um oiriúnú don athrú aeráide a phleanáil san Eoraip

D’fhéadfadh tionchair thromchúiseacha éiceolaíocha, eacnamaíocha agus shóisialta ar fud na hEorpa a bheith mar thoradh ar thionchair an athraithe aeráide. Is féidir le cuir chuige ilscála agus ilearnála cuidiú le hoiriúnú iomchuí a shainaithint lena laghdaítear tionchair an athraithe aeráide agus, i gcásanna áirithe, lena soláthraítear tairbhí agus deiseanna gnó. Tá roinnt dúshlán suntasach roimh chinnteoirí ar gach leibhéal san Eoraip faoi láthair, áfach, agus straitéisí oiriúnaithe iomchuí agus inbhuanaithe á gceapadh acu.
Mar thoradh ar thionscadal BASE an 7ú Creatchlár de chuid an Aontais, déantar achoimre san achoimre bheartais seo ar na príomhdhúshláin, ar na himpleachtaí do straitéisí agus do bhearta oiriúnúcháin agus léirítear inti bealaí taighde a d’fhéadfadh cinnteoireacht fheabhsaithe maidir le hoiriúnú a éascú.
Déantar na príomhdhúshláin a chatagóiriú mar seo a leanas:

• Éiginnteachtaí agus eolas neamhleor
• An gá atá le measúnuithe a fheabhsú
• An gá atá le príomhshruthú an oiriúnaithe sa bheartas a fheabhsú

Ós rud é go bhfuil aghaidh a thabhairt ar na dúshláin sin ar cheann de phríomhaidhmeanna thionscadal BASE, tugtar an achoimre bheartais chun críche le dearcadh níos mó i leith taighde amach anseo, lena n-áirítear an ról a bhfuil sé mar aidhm ag BASE a imirt.