Todhchaí Athléimneach a Chruthú

Scrúdaítear go criticiúil sa tuarascáil rochtana oscailte seo deis chomhleanúnachais a fhorbairt idir Oiriúnú don Athrú Aeráide, na Spriocanna Forbartha Inbhuanaithe agus cláir oibre maidir le Laghdú Rioscaí Tubaistí trí chuir chuige dea-chleachtais a chur i láthair, agus trí thacú le cás-staidéir Éireannacha agus idirnáisiúnta.

De dheasca phaindéim COVID-19, leagadh béim ar neamhionannais dhomhanda atá ann cheana agus léiríodh raon feidhme agus scála na dtionchar soch-éiceolaíoch cascáideach. Is dócha go gcuirfidh tionchair an athraithe aeráide ar ár bpobail dhomhanda go mór leis an gcur isteach a tharla mar thoradh ar an bpaindéim, agus thairis sin, beidh na tionchair sin níos idirleata agus níos forleataí thar thréimhse ama níos faide. San imleabhar seo atá curtha in eagar, breithnítear deiseanna chun aghaidh a thabhairt ar dhúshláin dhomhanda i gcomhthéacs athléimneacht a fhorbairt mar chontanam comhtháite forbartha seachas trí chláir oibre neamhspleácha agus neamh-chomhtháite.