Neamhfhoirfe sa Todhchaí — An tAthrú Aeráide agus an tOiriúnú do Shléibhte Cairp

Cuireann an tuarascáil sintéise seo “Future imperfect” príomhthreochtaí na bpatrún frasaíochta, an chlúdaigh sneachta agus na teochta mar thoradh ar athrú aeráide i láthair. Áirítear leis freisin tionchair na dtreochtaí sin ar roinnt córas táirgthe atá bunaithe ar éiceachórais, agus bearta oiriúnaithe a d’fhéadfadh a bheith ann. Le cabhair ó pháirtithe leasmhara rinneadh anailís dhomhain ar thionchar na n-athruithe tuartha i gcúig réimse phíolótacha roghnaithe ar fud Shléibhte Cairp. Tá sé dírithe ar lucht déanta beartas agus ar an bpobal i réigiún Shléibhte Cairp, agus tugann sé le chéile torthaí agus moltaí tábhachtacha faoi thionchair an athraithe aeráide agus faoin oiriúnú don athrú sin ó thrí staidéar taighde nasctha atá maoinithe ag an gCoimisiún Eorpach: CARPATCLIM, CARPIVIA, CarpathCC. Ardaíonn na staidéir seo feasacht ar mhéid agus ar thionchair an athraithe aeráide i sé earnáil thábhachtacha i réigiún Shléibhte Cairp: acmhainní uisce, foraoisí, bogaigh, féarthailte, talmhaíocht agus turasóireacht. Tacaíonn siad freisin le freagairt eolasach agus thapa ó chinnteoirí sa réigiún chun éifeachtaí an athraithe aeráide a laghdú.