Teophointí domhanda le haghaidh oiriúnú atá bunaithe ar éiceachórais chósta

Chun cabhrú le pobail chósta an domhain dul in oiriúint do thionchair an athraithe aeráide, ní mór meastóireacht a dhéanamh ar leochaileacht na bpobal cósta agus measúnú a dhéanamh ar roghanna oiriúnaithe. Áirítear leis sin tuiscint a fháil ar an acmhainneacht a bhaineann le bonneagar ‘nádúrtha’ (éiceachórais agus an bhithéagsúlacht atá mar bhonn taca leo) chun leochaileacht pobal a laghdú, mar aon le cuir chuige bhonneagair ‘chrua’ níos traidisiúnta.

Cuirtear i láthair san airteagal seo meastóireacht dhomhanda atá sainráite ó thaobh spáis de ar leochaileacht daonraí daoine a chónaíonn ar an gcósta i leith príomhnochtadh don athrú aeráide agus fiosraítear ann an acmhainneacht d’éiceachórais chósta chun cabhrú le daoine oiriúnú don athrú aeráide (oiriúnú bunaithe ar éiceachórais (EbA)).

Dírítear go speisialta ar mangróibh agus sceireacha coiréil agus ar a n-acmhainneacht borradh stoirme a scaipeadh agus athléimneacht i gcoinne éifeachtaí ardaithe ar leibhéal na farraige a fheabhsú.

Cuireann an creat sin uirlis ar fáil chun tús áite a thabhairt do ‘teophointí’ na hacmhainneachta a bhaineann le EbA cósta le haghaidh anailísí breise, náisiúnta agus áitiúla chun laghdú riosca a chainníochtú agus, ar an gcaoi sin, infheistíocht in éiceachórais chósta a threorú chun cabhrú le daoine iad féin a chur in oiriúint don athrú aeráide. Agus an méid sin á dhéanamh aige, leagann sé béim ar an ról domhanda a d’fhéadfadh a bheith ag éiceachórais a chaomhnú agus a athbhunú chun beatha agus slite beatha an duine, chomh maith leis an mbithéagsúlacht, a chosaint i bhfianaise an athraithe aeráide.