Treoirlínte do Bhainisteoirí Tionscadail: Infheistíochtaí leochaileacha a dhéanamh athléimneach ó thaobh na haeráide de

Tá na Treoirlínte seo mar chuid d’iarracht fhoriomlán an Aontais oiriúnú don athrú aeráide a phríomhshruthú, i gcomhréir leis an bPáipéar Bán maidir le hOiriúnú don Athrú Aeráide a d’fhoilsigh an Coimisiún in 2009. Tá siad deartha chun tacaíocht a sholáthar d'fhorbróirí sócmhainní fisiciúla agus bonneagair. Tá siad dírithe ar chabhrú le forbróirí tionscadail tuiscint a fháil ar na céimeanna is féidir leo a ghlacadh chun tionscadail infheistíochta a dhéanamh athléimneach in aghaidh inathraitheacht agus athrú aeráide. Soláthraítear faisnéis sna Treoirlínte maidir leis na céimeanna is féidir a dhéanamh chun athléimneacht in aghaidh an athraithe aeráide a chomhtháthú laistigh de bhreithmheas eolach ar shaolré an tionscadail arna chleachtadh ag forbróirí tionscadail. Tá siad beartaithe:

• chun cabhrú leis na rioscaí breise a bhaineann leis an athrú aeráide a bhainistiú,

• chun próisis bhreithmheasa tionscadail aithnidiúla a úsáidtear i bhforbairt tionscadail a chomhlánú agus a chomhtháthú, ach

• gan iad a chur in ionad na bpróiseas forbartha tionscadail atá ann cheana.