Tionscadal Pontbren. Cur chuige faoi stiúir feirmeoirí maidir le bainistiú inbhuanaithe talún sna hardtailte

Is cur chuige nuálach é Tionscadal Pontbren maidir le bainistiú coillearnaí agus plandáil crann a úsáid chun éifeachtúlacht na feirmeoireachta beostoic ardtalún a fheabhsú, faoi stiúir grúpa feirmeoirí comharsanacha i lár na Breataine Móire. Lean siad orthu ag forbairt úsáidí nua ar an bhfeirm le haghaidh táirgí coillearnaí, agus nuair a tháinig sé chun solais nach amháin gur chuir plandáil crann feabhas ar ghnólachtaí feirme agus ar ghnáthóga fiadhúlra, ach gur laghdaigh sé rith chun srutha uisce le linn báisteach throm, thug siad cuireadh d’eolaithe imscrúdú a dhéanamh. Le tacaíocht ó mhaoiniú rialtais, léirigh an taighde tábhachtach idirnáisiúnta seo cén fáth go bhfuil criosanna crann atá suite go straitéiseach chomh héifeachtach chun an méid uisce a ritheann as féarthailte ardtalún feabhsaithe a laghdú. Tá na sonraí eolaíocha ó Pontbren á n-úsáid anois chun staidéar a dhéanamh ar na héifeachtaí a bhaineann le húsáid talún ar dhobharcheantair níos mó atá i mbaol tuilte. Príomhcheachtanna: Is féidir le coillearnach leathanduilleach agus criosanna foscaidh bainistiú feirmeacha ardtalún a dhéanamh níos éifeachtúla, agus áiteanna níos fearr le cónaí agus le hoibriú iontu a dhéanamh díobh; is féidir tairbhí comhshaoil i bhfad níos leithne ná mar a tuigeadh roimhe seo a bheith ag baint le cur agus bainistiú coillearnaí agus fálta sceach ar fhéarthailte ardtalún feabhsaithe; toisc chriticiúil chun na tairbhí comhshaoil a d’fhéadfadh a bheith ag baint le plandú crann agus fálta sceach a bhaint amach is ea an rogha straitéiseach eolasach suíomhanna, speiceas agus bainistíochta.