Dearbhú sláinte agus aeráide COP28 formhuinithe ag breis agus 120 tír

Le ‘Dearbhú Aontas na nÉimíríochtaí Arabacha maidir leis an Aeráid agus leis an tSláinte’, arna nochtadh ag Uachtaránacht COP28 agus ag an Eagraíocht Dhomhanda Sláinte (EDS), cuirtear an tsláinte i gcroílár an ghníomhaithe ar son na haeráide agus moltar dlús a chur le forbairt córas sláinte atá athléimneach ó thaobh na haeráide de, inbhuanaithe agus cothrom. Chun tacú leis an ráiteas, fógraíodh roinnt gealltanas airgeadais maidir leis an aeráid agus leis an tsláinte. Agus é formhuinithe ag 123 thír, tá an Dearbhú, agus freastal COP roinnt Airí Sláinte in éineacht lena gcomhghleacaithe Comhshaoil, ar thús cadhnaíochta i rialtais ag aithint thionchair mhéadaitheacha an athraithe aeráide ar an tsláinte ar phobail agus ar thíortha.

Aithnítear sa Dearbhú gur gá do rialtais pobail a chosaint agus córais cúraim sláinte a ullmhú chun déileáil le tionchair sláinte a bhaineann leis an aeráid amhail teas foircneach, truailliú aeir agus galair thógálacha. Cumhdaítear leis raon réimsí gníomhaíochta ag an nasc idir an aeráid agus an tsláinte, lena n-áirítear córais sláinte atá níos athléimní ó thaobh na haeráide de a thógáil, comhar trasearnála a neartú chun astaíochtaí a laghdú agus na tairbhí sláinte a bhaineann le gníomhú ar son na haeráide a uasmhéadú, chomh maith leis an maoiniú méadaitheach le haghaidh réitigh aeráide agus sláinte.

Is féidir féachaint ar an Dearbhú agus ar shínitheoirí an Dearbhaithe ar shuíomh gréasáin COP28.

An 3 Nollaig, thacaigh an Coimisiún Eorpach freisin, thar ceann an Aontais, leis an Dearbhú maidir leis an Aeráid agus an tSláinte.