Dlús a chur leis an Aon Sláinte Amháin

Tá an cur chuige ‘Aon Sláinte Amháin’, cur chuige idirnasctha i leith na sláinte lena n-aithnítear idirspleáchas daoine, ainmhithe, plandaí agus éiceachóras, ag dul ar aghaidh san Eoraip. Inniu, an 13 Samhain, eagraíonn an Coimisiún Eorpach comhdháil chun plé a dhéanamh ar a bhfuil i ndán don bheartas ‘Aon Sláinte Amháin’ san Eoraip. Chuir roinnt Gníomhaireachtaí AE in iúl freisin go bhfuil siad tiomanta do thacaíocht iomlán a thabhairt don chlár oibre ‘Aon Sláinte Amháin’ chun bagairtí sláinte domhanda a chosc, a bhrath, ullmhú dóibh agus freagairt dóibh ar bhealach níos fearr ar an leibhéal domhanda agus ar leibhéal an AE, lena n-áirítear iad siúd a bhaineann leis an athrú aeráide.

Tá an Eoraip ag tabhairt aghaidh ar bhagairtí ar an tsláinte agus ar an bhfolláine atá ag éirí níos casta agus níos minice. Tá baint ag go leor de na bagairtí sin le patrúin neamh-inbhuanaithe táirgthe agus tomhaltais, agus meabhraíonn siad go láidir go bhfuil sláinte an duine idirnasctha go docht le sláinte ainmhithe, plandaí agus éiceachóras. Ní féidir le disciplín aonair ná le hearnáil aonair a ghníomhaíonn ina haonar freagairt do na bagairtí sin. Tá an géarghá le comhar ilearnálach agus trasdisciplíneach ar fud réimsí shláinte an duine, na n-ainmhithe, na bplandaí agus an éiceachórais cuimsithe ag cur chuige na hAon Sláinte Amháin.

Déantar sruthú gréasáin ar an gcomhdháil ‘One Health for All, All for One Health’ agus is féidir í a leanúint an 13 Samhain anseo.

Is féidir féachaint ar an ráiteas comhpháirteach ón Lárionad Eorpach um Ghalair a Chosc agus a Rialú (ECDC), ón nGníomhaireacht Eorpach Ceimiceán (ECHA), ón nGníomhaireacht Eorpach Chomhshaoil (EEA), ón Údarás Eorpach um Shábháilteacht Bia (EFSA) agus ón nGníomhaireacht Leigheasra Eorpach (EMA) anseo.