It-trattament tal-effetti tat-tibdil fil-klima fuq il-bankini tat-toroq

It-tibdil fil-klima jista’ jkollu impatt dirett fuq il-prestazzjoni tal-infrastruttura tat-trasport tagħna. L-għan tar-rapport huwa li jissensibilizza s-settur tat-toroq għall-impatti probabbli tat-tibdil fil-klima fuq il-bankini tat-toroq u li jipprovdi gwida dwar kif wieħed għandu jipproċedi:

-Il-valutazzjoni tal-vulnerabbiltà tal-bankini tat-toroq għall-impatti diretti tat-tibdil fil-klima, u;

-L-identifikazzjoni u l-prijoritizzazzjoni ta’ miżuri possibbli ta’ adattament għall-bankini tat-toroq li jistgħu jiġu applikati immedjatament jew jiġu introdotti gradwalment maż-żmien, sabiex jiġu evitati l-konsegwenzi negattivi tat-tibdil fil-klima fuq il-kapaċità ta’ servizz tan-networks tat-toroq.

Ir-rapport jippreżenta t-tħassib espress mill-maniġers tat-toroq minn wieħed u għoxrin pajjiż u jissuġġerixxi approċċ sistematiku għat-twettiq ta’ valutazzjonijiet tar-riskju u tal-vulnerabbiltà. Ir-rapport imbagħad jittratta l-miżuri ta’ adattament sabiex jiġu ġestiti l-impatti tat-tibdil fil-klima (bidliet fit-temperatura, fil-preċipitazzjonijiet u bidliet oħra) fuq l-operat u l-prestazzjoni tal-bankini tat-toroq. Huwa jirrieżamina l-implikazzjonijiet strateġiċi qabel ma jippreżenta rakkomandazzjonijiet b’mod partikolari rigward il-valutazzjonijiet tar-riskji.