Vademecum tal-Protezzjoni Ċivili

Il-Vademecum tal-Protezzjoni Ċivili tal-Kummissjoni Ewropea jagħti ħarsa ġenerali lejn il-miżuri meħuda mill-Istati Membri tal-UE kif ukoll fil-livell tal-UE biex jindirizzaw id-diżastri. Id-diżastri jistgħu jkunu dovuti għal kawżi naturali, bħal terremoti, uqigħ tal-art, nirien fil-foresti, għargħar, maltempati tas-silġ, mewġ tal-marea u/jew attività tal-bniedem, bħal fil-każ ta’ aċċidenti li jinvolvu sustanzi kimiċi, eċċ. Il-Vademecum huwa sors ta’ informazzjoni għal: professjonisti li jaħdmu fil-qasam tal-protezzjoni ċivili fil-livell nazzjonali, reġjonali u lokali; il-voluntiera u l-organizzazzjonijiet mhux governattivi; Membri tal-pubbliku interessati.

Is-sit web fih ħarsa ġenerali lejn it-tipi ta’ diżastri, il-profili tal-pajjiżi, l-inizjattivi ta’ kooperazzjoni Ewropej, il-ftehimiet internazzjonali u l-lista ta’ kuntatti, l-istudji u r-rapporti. Il-Vademecum huwa inizjattiva tal-Uffiċċju Umanitarju tal-Komunità Ewropea (ECHO).