Linji gwida għall-Maniġers tal-Proġetti: Nagħmlu l-investimenti vulnerabbli reżiljenti għat-tibdil fil-klima

Dawn il-Linji Gwida jiffurmaw parti mill-isforz ġenerali tal-UE biex tintegra l-adattament għat-tibdil fil-klima, f’konformità mal-White Paper dwar l-Adattament għat-Tibdil fil-Klima ppubblikata mill-Kummissjoni fl-2009. Dawn huma mfassla biex jipprovdu appoġġ lill-iżviluppaturi ta’ assi fiżiċi u infrastruttura. Huma għandhom l-għan li jgħinu lill-iżviluppaturi tal-proġetti jifhmu l-passi li jistgħu jieħdu biex jagħmlu l-proġetti ta’ investiment reżiljenti għall-varjabbiltà u t-tibdil fil-klima. Il-Linji Gwida jipprovdu informazzjoni dwar il-passi li jistgħu jittieħdu biex tiġi integrata r-reżiljenza għall-klima fi ħdan evalwazzjoni familjari taċ-ċiklu tal-ħajja tal-proġett ipprattikata mill-iżviluppaturi tal-proġetti. Dawn huma maħsuba:

• biex tgħin fil-ġestjoni tar-riskji addizzjonali mit-tibdil fil-klima,

• biex tikkomplementa u tintegra fi ħdan il-proċessi familjari ta’ evalwazzjoni tal-proġetti użati fl-iżvilupp tal-proġetti, iżda

• biex ma tissostitwixxix il-proċessi eżistenti ta’ żvilupp tal-proġetti.