Pulse tal-OSH 2025: Is-sikurezza u s-saħħa okkupazzjonali fl-era tal-klima u t-tibdil diġitali

Dan ir-rapport jippreżenta s-sejbiet tal-istħarriġ “OSH Pulse 2025”, ikkummissjonat mill-EU-OSHA bil-għan li jinkiseb għarfien dwar l-istat tas-saħħa u s-sikurezza okkupazzjonali (OSH) fl-era tat-tibdil fil-klima u dak diġitali.

Bejn Marzu u April 2025 ġie intervistat kampjun rappreżentattiv ta’ aktar minn 28 000 ħaddiem impjegat f’kull Stat Membru tal-UE, u fl-Iżlanda, fin-Norveġja u fl-Iżvizzera. L-istħarriġ esplora l-esperjenzi u l-perċezzjonijiet tal-ħaddiema f’erba’ oqsma ewlenin: l-użu ta’ teknoloġiji diġitali għax-xogħol, fatturi psikosoċjali, riskji relatati mat-tibdil fil-klima u eżiti tas-saħħa relatati max-xogħol.