Ir-reżiljenza ta’ investimenti kbar u infrastrutturi kritiċi fl-Ewropa għat-tibdil fil-klima

Ir-rapport għandu l-għan li jevalwa l-impatti attwali u futuri tal-estremitajiet klimatiċi fuq l-istokk attwali ta’ infrastrutturi kritiċi fl-Ewropa, u fuq l-investimenti reġjonali taħt il-Politika ta’ Koeżjoni għall-perjodu 2007-2013. Id-distribuzzjoni tal-kostijiet ekonomiċi fl-ispazju u fost is-setturi tipprovdi indikazzjoni tar-reġjuni u s-setturi li jistgħu jiffaċċjaw sforzi sostanzjali biex l-infrastrutturi kritiċi preżenti u ppjanati jsiru reżiljenti għall-klima futura. Ġew ikkunsidrati s-setturi li ġejjin: l-enerġija, it-trasport, l-industrija, soċjali. Ġew identifikati ħames sfidi xjentifiċi fundamentali, li wasslu għall-attivitajiet strateġiċi ta’ riċerka:

1. Nifhmu kif l-estremitajiet klimatiċi multipli se jevolvu fl-Ewropa matul is-seklu wieħed u għoxrin;
2. L-iżvilupp ta’ sett ta’ data koerenti mil-lat spazjali ta’ infrastrutturi kritiċi eżistenti;
3. Id-determinazzjoni tas-sensittività għall-perikli klimatiċi tal-infrastrutturi kritiċi u tal-proġetti ffinanzjati mill-UE;
4. Il-valutazzjoni tal-impatti fuq skala pan-Ewropea b’mod konsistenti u komparabbli f’diversi setturi u perikli relatati mal-klima;
5. L-istima ta' l-ispiża ta' l-adattament ta' l-infrastrutturi.