Studju ta' appoġġ għal valutazzjoni ta' l-impatt għal segwitu għar-Rakkomandazzjoni ICZM ta' l-UE (2002/413/KE)

Fl-2011, il-Kummissjoni Ewropea nediet reviżjoni tar-Rakkomandazzjoni ICZM tal-UE, bil-ħsieb ta' proposta ta' segwitu. Twettqet valutazzjoni tal-impatt biex jiġu esplorati l-ħtiġijiet u l-għażliet għal azzjoni futura tal-UE dwar l-ICZM u biex jiġu vvalutati l-konsegwenzi soċjali, ekonomiċi u ambjentali potenzjali li jista' jkollhom inizjattivi ġodda proposti mill-Kummissjoni Ewropea. Din l-attività importanti implikat varjetà wiesgħa ta’ inizjattivi, inkluż l-“Istudju ta’ appoġġ għal valutazzjoni tal-impatt għal segwitu għar-Rakkomandazzjoni ICZM tal-UE”. L-istudju jipprovdi analiżi tal-impatti ta’ tliet għażliet differenti (il-Programm ICZM, ir-Rakkomandazzjoni l-ġdida tal-ICZM u d-Direttiva ICZM) għal segwitu tar-Rakkomandazzjoni attwali dwar il-Ġestjoni Integrata taż-Żoni Kostali (ICZM) tal-2002. L-istudju jipprovdi analiżi tas-sitwazzjoni u x-xejriet eżistenti (ix-xenarju bażi). Abbażi ta’ dan, l-istudju jifformula l-problemi ewlenin li għandhom jiġu indirizzati permezz ta’ inizjattiva ta’ segwitu possibbli. L-istudju jistabbilixxi l-objettivi ewlenin li għandhom jintlaħqu minn dawn l-azzjonijiet ta’ segwitu u jelabora dwar kif l-ilħuq ta’ dawn l-objettivi se jgħin biex jiġu indirizzati l-problemi ewlenin li ġew identifikati. L-istudju mbagħad jelabora dwar l-għażliet identifikati biex jiġu indirizzati l-objettivi. Abbażi ta’ dan ta’ hawn fuq, l-istudju janalizza l-impatti ewlenin mill-għażliet ta’ segwitu possibbli, filwaqt li jiffoka fuq l-aktar impatti importanti u jfittex li jipprovdi valutazzjoni li tkun kwantitattiva kemm jista’ jkun. Fl-aħħar nett, l-istudju jqabbel l-impatti tal-għażliet differenti u jipprovdi riflessjonijiet dwar skemi xierqa ta’ monitoraġġ u ta’ indikaturi. Il-kwistjonijiet tat-tibdil fil-klima u l-implikazzjoni tal-għażliet differenti għall-adattament għat-tibdil fil-klima huma indirizzati wkoll mill-istudju. B’mod partikolari, skont l-approċċ adottat mill-istudju:

• “Reżiljenza mtejba għar-riskji u t-tibdil fil-klima” huwa wieħed mill-benefiċċji ambjentali mistennija (4 b’kollox) ta’ żieda fl-implimentazzjoni tal-ICZM li hija vvalutata għat-tliet għażliet;
• “L-ispejjeż taż-żieda fil-livell tal-baħar li jirriżultaw mit-tibdil fil-klima jekk ma tittieħed l-ebda azzjoni ulterjuri” huwa wieħed mill-fatturi użati biex l-Istati Membri jiġu kkategorizzati skont il-pressjoni kostali. Dan jintuża biex jiġu evalwati l-impatti pożittivi mistennija tat-tliet għażliet, jekk wieħed jassumi li pressjoni kostali ogħla timplika wkoll benefiċċji mistennija akbar tal-ICZM.