B’dan il-festival, iffinanzjat mill-programm Orizzont Ewropa tal-Unjoni Ewropea, iċ-Ċentru Ewro-Mediterranju għat-Tibdil fil-Klima (CMCC) għandu l-għan li jgħaqqad ix-xjenza, is-servizzi u l-istandards għal futur reżiljenti għall-klima. Il-festival se jagħmel enfasi fuq l-għoti tas-setgħa lill-individwi fl-amministrazzjonijiet reġjonali u lokali, lill-partijiet ikkonċernati minn setturi relatati mal-klima, u lil kull min huwa interessat li jinvolvi ruħu fl-azzjoni klimatika permezz tal-użu tas-servizzi klimatiċi. L-attivitajiet taħt il-Missjoni tal-UE dwar l-Adattament għat-tibdil fil-klima huma inklużi fl-aġenda.