Il-Konferenza Ewropea dwar il-Klima, organizzata mill-Presidenza Franċiża tal-Kunsill tal-Unjoni Ewropea, se tlaqqa’ flimkien rappreżentanti ta’ livell għoli tal-Istati Membri tal-UE, il-Kummissjoni Ewropea u l-Parlament Ewropew, kif ukoll personalitajiet prominenti mis-soċjetà ċivili, il-komunità xjentifika, in-negozji u l-gvernijiet lokali. Fost l-oħrajn, il-konferenza ser tenfasizza l-għarfien, il-ħtiġijiet, is-soluzzjonijiet u l-politiki għall-adattament għat-tibdil fil-klima, b'mod partikolari f'oqsma ta' prijorità għall-presidenza Franċiża tal-Kunsill bħall-ambjenti urbani, inklużi dawk li huma kostali, u t-trasport.