Fl-2023, il-maltempati farrku r-Reġjun ta’ Hauts-de-France fi Franza u d-delta tax-xmara Aa ġiet mgħarrqa. Din l-esperjenza wriet kemm ir-reġjun li jinsab fil-baxx huwa vulnerabbli għat-tibdil fil-klima. L-istituzzjonijiet inkarigati rrikorrew għal Interreg Europe ffinanzjat mill-UE biex jesploraw għażliet ta’ adattament biex jibnu r-reżiljenza kemm kontra l-għargħar kif ukoll kontra n-nixfiet. Dan ix-xogħol wassal għal studju ta’ evalwazzjoni bejn il-pari mill-Belġju, l-Estonja, in-Netherlands, Spanja u r-Renju Unit. Bħala parti minn din il-ħidma, il-governanza tal-ġestjoni tal-ilma, il-possibbiltà li jintużaw soluzzjonijiet ibbażati fuq in-natura, bħal żoni ta’ mergħat u pjanuri tal-għargħar, ġew diskussi u kondiviżi mal-partijiet ikkonċernati mir-reġjun kollu.