Hagfræði til að laga fiskveiðar að loftslagsbreytingum

Loftslagsbreytingar eru að verða augljósari og eftir því sem þær aukast mun það breyta framleiðni fiskveiða og dreifingu fiskistofna. Frá efnahagslegu sjónarmiði munu breytingarnar hafa mismunandi áhrif á sjávarútvegs- og strandsamfélög. Þessar væntu breytingar útheimta aðlögunarhæfa og sveigjanlega stefnu í fiskveiði- og lagareldisstjórnun og stjórnunarramma. Hins vegar er óvíst um form loftslagsbreytinga í framtíðinni og umfang áhrifa þeirra. Stefnuaðilar í sjávarútvegi þurfa því að þróa áætlanir og ákvarðanatökulíkön til að laga sig að loftslagsbreytingum undir slíkri óvissu um leið og tekið er tillit til félagslegra og efnahagslegra afleiðinga.

Þó að flest vinna við loftslagsbreytingar í sjávarútvegi hafi lagt áherslu á sjávarútvegsvísindi, leggur þessi bók áherslu á efnahagslega og stefnumótandi þætti í aðlögun fiskveiða að loftslagsbreytingum. Niðurstöður vinnufundar Efnahags- og framfarastofnunarinnar um aðlögun fiskveiða að loftslagsbreytingum (OECD Workshop on the Economics of Adapting Fisheries to Climate Change) sem haldinn var í júní 2010, þar sem gerð er grein fyrir þeim aðgerðum sem stefnumótendur í sjávarútvegi verða að grípa til í ljósi loftslagsbreytinga. Þar á meðal eru: að styrkja hnattræna stjórnunarkerfið, víðtækari notkun réttindatengdra stjórnunarkerfa, vernd vistkerfa, umbreytingu í iðnaði með því að binda enda á umhverfisskaðlega styrki og með áherslu á eftirspurn eftir sjávarafurðum sem eru veiddar á sjálfbæran hátt, og einkum að nota lagareldi sem lykilþátt í viðbrögðum við loftslagsbreytingum.