esi fondi

Il-baġit tal-UE għandu rwol importanti x’jaqdi fil-promozzjoni tal-azzjoni klimatika fis-setturi kollha tal-ekonomija Ewropea, u fil-katalizzazzjoni tal-investiment li se jkun meħtieġ biex jintlaħqu l-miri klimatiċi u tiġi żgurata r-reżiljenza għat-tibdil fil-klima. L-objettivi tal-azzjoni klimatika jirrappreżentaw mill-inqas 20 % tal-infiq tal-UE fil-perjodu 2014-2020 u għalhekk jiġu riflessi fl-istrumenti xierqa li se jsaħħu l-kompetittività tal-Ewropa u joħolqu aktar impjiegi u impjiegi aktar ekoloġiċi.

Il-5 Fondi Strutturali u ta’ Investiment Ewropej (Fondi SIE), li jammontaw għal terz tal-baġit tal-UE, jinkludu:

• Fond ta' Koeżjoni,
• Fond Soċjali Ewropew
• Fond Ewropew għall-Iżvilupp Reġjonali
• Fond Agrikolu Ewropew għall-Iżvilupp Rurali
• Fond Ewropew għall-Affarijiet Marittimi u s-Sajd

Fir-rigward tal-azzjoni klimatika, il-FSIE se jikkontribwixxi għal:

• L-iżgurar li l-Istati Membri u l-UE jikkonformaw mal-impenji ta’ mitigazzjoni tagħhom u jikkontribwixxu għall-mitigazzjoni tat-tibdil fil-klima globali.
• L-iżgurar tar-reżiljenza tal-Ewropa għat-tibdil fil-klima.
• Il-kapitalizzazzjoni fuq l-opportunitajiet tan-negozju li jirriżultaw minn domanda globali dejjem tikber għal soluzzjonijiet kosteffiċjenti u effettivi ta’ adattament u mitigazzjoni.