6.3 Is-sejba ta' eżempji ta' indikaturi ta' monitoraġġ tal-adattament

Meta jitfassal sett ta’ indikaturi ta’ monitoraġġ għal belt jew raħal, spiss ikun utli li wieħed jispira ruħu mill-indikaturi eżistenti żviluppati bħala parti mill-ippjanar tal-adattament fi bliet oħra, dawk żviluppati minn istituzzjonijiet tar-riċerka jew użati f’oqfsa nazzjonali, jew dawk issuġġeriti minn organizzazzjonijiet jew inizjattivi internazzjonali, bħall-Patt tas-Sindki.

 Il-pjattaforma ta’ rapportar MyCovenant (ara wkoll l-anness għall-verżjoni ta’ ħidma offline tal-mudell ta’ rapportar)fiha listi ta’ indikaturi li jistgħu jservu bħala punt ta’ referenza u sors ta’ ispirazzjoni għall-bliet u r-reġjuni. L-indikaturi ġew żviluppati abbażi tal-ħtiġijiet espressi mill-bliet firmatarji tal-Patt tas-Sindki u l-indikaturi li wrew li huma utli għalihom.

Ir-riżorsi marbuta hawn taħt jipprovdu settijiet ta’ indikaturi eżistenti għall-adattament. Peress li l-kuntest lokali speċifiku u l-objettivi u l-miri ta’ adattament ivarjaw, huwa importanti li l-indikaturi jintgħażlu bir-reqqa, jiġu aġġustati kif meħtieġ u jiġu kkomplementati minn indikaturi awtożviluppati fejn meħtieġ. Il-proġett RESIN ġabar kompilazzjoni dettaljata ħafna ta’ indikaturi li jistgħu jintużaw bħala punt tat-tluq. Il-Kapitolu 6.4.3 tar-rapport tal-EEA L-adattament urban fl-Ewropa: kif il-bliet u l-irħula jirreaġixxu għat-tibdil fil-klima jipprovdi eżempji ta’ oqfsa ta’ monitoraġġ.