Nikkollegaw it-Tkabbir Intelliġenti u Sostenibbli permezz tal-Ispeċjalizzazzjoni Intelliġenti

Din il-gwida prattika turi li t-tkabbir sostenibbli u intelliġenti jista’ jimxi id f’id fir-reġjuni u l-Istati Membri Ewropej kollha: it-tkabbir ekonomiku sostenibbli jista’ jiġi żgurat biss jekk ir-reġjuni u l-Istati Membri jkunu lesti li jsegwu l-prinċipji tas-sostenibbiltà ambjentali. Din il-gwida għandha l-għan li tipprovdi tweġibiet għall-mistoqsijiet li ġejjin:

• Għaliex it-tkabbir intelliġenti u t-tkabbir sostenibbli jikkomplementaw lil xulxin?
• X’jista’ jsir fir-reġjuni biex jiġi konness it-tkabbir intelliġenti u sostenibbli?
• Kif għandha tintuża l-Politika Reġjonali tal-UE biex tingħata spinta lill-innovazzjoni għat-tkabbir sostenibbli?

L-għan tad-dokument huwa li jassisti lill-Awtoritajiet ta’ Ġestjoni tal-Fond Ewropew għall-Iżvilupp Reġjonali (FEŻR) fl-integrazzjoni tal-objettivi ta’ tkabbir sostenibbli fl-istrateġiji ta’ riċerka u innovazzjoni tagħhom għall-ispeċjalizzazzjoni intelliġenti, jew RIS3 fil-qosor. Il-gwida tiffoka fuq tliet oqsma tematiċi li huma partikolarment rilevanti għat-tkabbir sostenibbli:

• L-ekoinnovazzjoni;
• Servizzi ta' ekosistemi;
• u l-enerġija sostenibbli.