Linji gwida għall-adattament għall-Varjabbiltà u t-Tibdil fil-Klima tul il-kosta tal-Mediterran

Id-dokument tal-Linji Gwida tħejja miċ-Ċentru ta’ Attività Reġjonali tal-Programm ta’ Azzjonijiet Prijoritarji (PAP/RAC) tal-Pjan ta’ Azzjoni għall-Mediterran (MAP/UNEP) fil-qafas tal-proġett “L-Integrazzjoni tal-Varjabbiltà u l-Bidla fil-Klima fl-Istrateġiji Nazzjonali għall-implimentazzjoni tal-Protokoll ICZM fil-Mediterran” (il-proġett ClimVar & ICZM).

L-għan tad-dokument huwa li jipprovdi lil dawk li jippjanaw u lil dawk li jfasslu l-politika fil-Mediterran:

• Gwida għall-impatt tal-varjabbiltà u t-tibdil fil-klima (CV&C) fuq iż-żoni kostali fir-reġjun;
• Informazzjoni dwar kif dawn l-impatti jistgħu jiġu integrati fil-proċess tal-Ġestjoni Integrata taż-Żoni Kostali (ICZM);
• Tagħlima meħuda mill-esperjenza tal-immaniġġjar tas-CV&C f’postijiet speċifiċi fir-reġjun u bnadi oħra.

Il-linji gwida jipprovdu fehim aktar dettaljat ta’ aspetti ewlenin differenti tas-CV&C fiż-żoni kostali tal-Mediterran u jgħinu fl-interpretazzjoni tad-dimensjoni tas-CV&C fir-rigward tal-format, il-kontenut u d-dispożizzjonijiet tal-proċess tal-ICZM. Dawn il-linji gwida jipprovdu wkoll rieżami kritiku tal-isforzi ta’ adattament u l-miżuri ta’ mitigazzjoni tas-CV&C, li jwittu t-triq lejn l-applikazzjoni razzjonali tar-rekwiżiti tal-Protokoll tal-ICZM għad-dimensjoni tas-CV&C.