Prinċipji u rakkomandazzjonijiet għall-integrazzjoni tal-kunsiderazzjonijiet tal-adattament għat-tibdil fil-klima taħt il-programmi tal-iżvilupp rurali 2014-2020

Dan id-Dokument ta’ Ħidma tal-Persunal tal-Kummissjoni huwa maħsub biex jiżgura li l-objettivi tal-adattament għat-tibdil fil-klima jkunu inkorporati fit-tfassil tal-Programmi ta’ Żvilupp Rurali (PŻR) 2014 – 2020 tagħhom. Huwa indirizzat lill-Awtoritajiet ta’ Ġestjoni u lill-partijiet ikkonċernati kollha involuti fit-tħejjija u l-konsultazzjoni tal-programm ta’ żvilupp rurali, inklużi l-esperti dwar il-klima u l-partijiet ikkonċernati esterni.

Il-Fond Agrikolu Ewropew għall-Iżvilupp Rurali (FAEŻR) jipprovdi sors importanti ta’ finanzjament għall-Istati Membri permezz tal-PŻR tagħhom. Id-dokument jipprovdi pariri, metodi u eżempji biex jiġi żgurat li l-ħtiġijiet u l-prijoritajiet tal-adattament għat-tibdil fil-klima jinftiehmu u jiġu integrati bis-sħiħ fil-PŻR nazzjonali u reġjonali għall-perjodu ta’ programmazzjoni li jmiss. Il-perjodu ta’ programmazzjoni 2014-2020 se jara bidliet sinifikanti fil-perjodu attwali u dan id-dokument jistabbilixxi l-prijoritajiet ta’ adattament u l-prinċipji ewlenin biex jiggwidaw dan il-proċess. Dan għandu jitqies bħala l-ewwel tentattiv biex tinġibed l-attenzjoni tal-Istati Membri u tal-partijiet ikkonċernati dwar sensiela ta’ kwistjonijiet identifikati fl-Istrateġija tal-UE dwar l-adattament għat-tibdil fil-klima b’rilevanza diretta għas-setturi tal-agrikoltura u tal-forestrija.