Gwida teknika dwar l-integrazzjoni tal-adattament għat-tibdil fil-klima fil-programmi u l-investimenti tal-Politika ta’ Koeżjoni

Il-“Politika ta’ Koeżjoni” koperta minn dan id-dokument tirreferi għat-tliet Fondi li ġejjin: il-Fond Ewropew għall-Iżvilupp Reġjonali (FEŻR), il-Fond Soċjali Ewropew (FSE) u l-Fond ta’ Koeżjoni (FK). Il-gwida hija prinċipalment immirata lejn il-perjodu ta’ programmazzjoni tal-Politika ta’ Koeżjoni 2014-2020. Hija marbuta mill-qrib mar-regolamenti proposti, peress li se jirregolaw x’għandu jsir biex jiġu ppjanati u implimentati programmi u proġetti ffinanzjati mill-Politika ta’ Koeżjoni. 

B’mod ġenerali, ir-regolamenti proposti għall-Fondi Strutturali u ta’ Investiment Ewropej 2014 – 2020 jirriflettu l-importanza akbar li r-riskji tat-tibdil fil-klima u l-ħtieġa għall-adattament kisbu fl-aġenda politika Ewropea.