Il-Gwida għall-Investimenti Multibenefiċċji tal-Politika ta’ Koeżjoni fin-Natura u fl-Infrastruttura Ekoloġika

Din il-gwida hija l-inizjattiva tad-Direttorat Ġenerali (DĠ) għall-Politika Reġjonali u Urbana tal-Kummissjoni Ewropea, f’konsultazzjoni mad-DĠ Ambjent, biex tgħin fit-tfassil u l-implimentazzjoni tal-Politika ta’ Koeżjoni madwar l-UE.

L-evidenza dejjem tikber tal-benefiċċji multipli min-natura u kif dawn jistgħu jgħinu biex jintlaħqu l-objettivi tal-Politika ta’ Koeżjoni wasslet għal interess akbar fil-fehim ta’ kif il-Politika ta’ Koeżjoni u l-għodod tagħha jistgħu jintużaw biex jinkisbu sinerġiji u benefiċċji multipli. Mistoqsijiet ewlenin li l-Gwida għandha l-għan li twieġeb:

• X’inhuma l-valuri tan-natura u kif inhuma importanti għall-objettivi tal-Politika ta’ Koeżjoni?
• Kif jistgħu jintużaw l-għodod u l-approċċi tal-Politika ta’ Koeżjoni biex jippermettu multibenefiċċji attwali u siguri min-natura fil-futur?
• X’nistgħu nitgħallmu minn esperjenzi prattiċi biex ninfurmaw l-iżvilupp reġjonali?

Il-Gwida hija mmirata biex tgħin fl-implimentazzjoni kontinwa tal-Politika ta’ Koeżjoni 2007-2013, kif ukoll biex tifforma sett ta’ għodod utli u sors ta’ informazzjoni għall-iżvilupp u l-implimentazzjoni tal-Politika ta’ Koeżjoni 2014-2020.