Il-Kummissjoni Internazzjonali għall-Idroloġija tal-Baċir tar-Renu (CHR)

Is-CHR hija organizzazzjoni li fiha l-istituti xjentifiċi tal-istati riparji tar-Renu jiżviluppaw miżuri idroloġiċi konġunti għall-iżvilupp sostenibbli tal-baċir tar-Renu. Is-CHR twaqqfet fl-1970 wara parir mill-UNESCO biex tippromwovi kooperazzjoni aktar mill-qrib fil-baċini tax-xmajjar internazzjonali. Mill-1975, il-ħidma kompliet fil-qafas tal-Programm Idroloġiku Internazzjonali (IHP) tal-UNESCO u l-Programm Idroloġiku Operazzjonali (OHP) tad-WMO. L-Istati Membri tas-CHR huma: l-Iżvizzera, l-Awstrija, il-Ġermanja, Franza, il-Lussemburgu u n-Netherlands.

Il-missjoni u l-kompiti tas-CHR

Espansjoni tal-għarfien tal-idroloġija fil-baċir tar-Renu permezz ta’:

• riċerka konġunta;
• skambju ta' data, metodi u informazzjoni;
• l-iżvilupp ta' proċeduri standardizzati;
• pubblikazzjonijiet fis-serje tas-CHR.

L-għoti ta' kontribut għas-soluzzjoni ta' problemi transkonfinali permezz tal-formulazzjoni, il-ġestjoni u l-għoti ta':

• sistemi ta’ informazzjoni, eż. GIS għall-prattika idroloġika;
• Mudelli, eż. mudelli għall-ġestjoni tal-ilma u mudell ta’ Allarm tar-Renu.