Kunsill Internazzjonali għall-Esplorazzjoni tal-Baħar (ICES)

Il-Kunsill Internazzjonali għall-Esplorazzjoni tal-Baħar (ICES) jikkoordina u jippromwovi r-riċerka tal-baħar dwar l-oċeanografija, l-ambjent tal-baħar, l-ekosistema tal-baħar, u dwar ir-riżorsi ħajjin tal-baħar fl-Atlantiku tat-Tramuntana. Il-membri tal-komunità tal-ICES issa jinkludu l-istati kostali kollha li jmissu mal-Atlantiku tat-Tramuntana u l-Baħar Baltiku. L-ICES jikkoopera ma' organizzazzjonijiet u istituti fuq skala internazzjonali. L-ICES huwa network ta’ aktar minn 1 600 xjentist minn 200 istitut marbuta bi ftehim intergovernattiv (il-Konvenzjoni tal-ICES) biex jiżdied il-valur tal-isforzi nazzjonali tar-riċerka. Ix-xjentisti li jaħdmu permezz tal-ICES jiġbru informazzjoni dwar l-ekosistema tal-baħar. Minbarra li timla l-lakuni fl-għarfien eżistenti, din l-informazzjoni hija żviluppata f’pariri imparzjali u mhux politiċi. L-20 pajjiż membru li jiffinanzjaw u jappoġġaw l-ICES jużaw dan il-parir biex jgħinuhom jimmaniġġjaw l-Oċean Atlantiku tat-Tramuntana u l-ibħra ta’ madwaru. It-tibdil fil-klima huwa wkoll parti mill-ħidma tal-ICES.