Pjattaforma ta’ Konsulenza għall-Investiment dwar l-Adattament għat-Tibdil fil-Klima (ADAPT)

Il-Pjattaforma ta’ Konsulenza għall-Investimenti fl-Adattament għat-Tibdil fil-Klima (ADAPT) hija inizjattiva ġdida żviluppata bħala parti mill-Pjan ta’ Adattament għat-Tibdil fil-Klima tal-BEI, bil-għan li tikkontribwixxi direttament għall-objettivi tal-Istrateġija ta’ Adattament tal-UE.

ADAPT hija pjattaforma konsultattiva li għandha l-għan li tiffaċilita l-użu ta’ għarfien espert tekniku u finanzjarju biex jiġu indirizzati ħtiġijiet speċifiċi ta’ investiment u tas-suq u biex jitħaffef il-finanzjament ta’ investimenti għall-adattament għat-tibdil fil-klima li għandhom il-potenzjal li jsaħħu r-reżiljenza tal-bliet, in-networks tal-infrastruttura, iż-żoni kostali, il-baċiri idrografiċi, is-sistemi tal-ikel, il-foresti u l-ekosistemi u attivitajiet oħra vulnerabbli għat-tibdil fil-klima.

L-ADAPT toffri servizzi ta’ konsulenza, bini tal-kapaċità u trasferiment tal-għarfien matul l-istadji kollha taċ-ċiklu tal-proġett f’konformità mal-għanijiet ta’ politika tal-programm  InvestEUu JASPERS. Kull kompitu konsultattiv tal-ADAPT huwa mfassal għall-ħtiġijiet speċifiċi tal-promotur tal-proġett u jista’ jinkludi l-azzjonijiet li ġejjin:

• appoġġ upstream;
• it-tħejjija tal-proġett, l-iżvilupp u l-appoġġ għall-implimentazzjoni;
• il-bini tal-kapaċità u s-sensibilizzazzjoni

Il-promoturi pubbliċi u privati kollha tal-proġetti(il-bliet, l-awtoritajiet lokali, l-amministrazzjonijiet reġjonali, l-awtoritajiet maniġerjali responsabbli għall-fondi tal-UE), il-korporattivi u l-entitajiet tas-settur pubbliku (l-operaturi tan-networks tal-enerġija, il-produtturi tal-enerġija, l-aġenziji tat-trasport pubbliku, l-awtoritajiet tal-port, l-operaturi tal-isptarijiet, l-intrapriżi agrikoli, l-utilitajiet tal-ilma) u l-istituzzjonijiet finanzjarji (il-banekkummerċjali, l-istituzzjonijiet promozzjonali nazzjonali, il-kumpaniji tal-assigurazzjoni, il-maniġers tal-fondi) jistgħu jibbenefikaw minn din il-Pjattaforma.