Network Ewropew tal-Aeroallerġeni (EAN)

In-Network Ewropew tal-Aeroallerġeni (EAN) huwa ġabra għad-data dwar it-trab tad-dakra u l-ispori fungali tas-servizzi Ewropej ta’ informazzjoni dwar it-trab tad-dakra, siti ta’ kejl individwali kif ukoll ta’ fornituri tad-data lil hinn mill-Ewropa. Id-database twaqqfet fl-1988. Fil-bidu tal-2019, in-network ikopri 38 pajjiż u aktar minn 600 sit tal-kejl. Sa 400 minn dawk is-siti ta’ kejl huma attivi. Jiġu evalwati sa 226 partikola aerobijoloġika differenti, inklużi speċjalment it-trab tad-dakra u l-ispori fungali rilevanti għal dawk li jbatu mill-allerġiji għall-polline u għall-ispori fungali.

Fil-bidu tal-2019, l-EAN għandu 200 utent irreġistrat u aktar minn 100 utent attiv; l-utenti huma fornituri tad-data fl-istess ħin bħala regola. L-użu tal-bażi tad-data Ewropea tat-trab tad-dakra jsegwi l-prinċipju “Min jipprovdi d-data, jitħalla juża d-data”. Din id-data tintuża mix-xjenzati (prinċipalment l-aerobijoloġisti) speċjalment fl-Ewropa biex jinħolqu previżjonijiet, statistika, xejriet, kontributi xjentifiċi dwar it-tixrid tat-trab tad-dakra fl-Ewropa u biex ikunu jistgħu jsiru provi kliniċi, proġetti u mudelli internazzjonali. Bħalissa mudelli ta’ tbassir bħal SILAM, MACC u COSMO-ART jużaw ukoll data dwar it-trab tad-dakra EAN. Il-bażi tad-data nnifisha hija l-akbar ġbir ta’ data dwar it-trab tad-dakra mhux kummerċjali fid-dinja.

Il-bażi tad-data tal-EAN hija l-għodda bażika għat-tbassir tat-trab tad-dakra u għalhekk indispensabbli għas-servizz ta’ informazzjoni dwar it-trab tad-dakra fl-Ewropa kollha. L-iżvilupp ta’ attivitajiet ta’ servizz f’dawn l-aħħar snin, eż. il-mapep Ewropej tat-tagħbija, id-djarju tat-trab tad-dakra għal dawk li jbatu minn allerġiji għat-trab tad-dakra u l-informazzjoni personalizzata dwar it-trab tad-dakra ma kinux ikunu possibbli mingħajr din il-bażi tad-data. Barra minn hekk, id-data tintuża għal proġetti xjentifiċi ta’ ambitu internazzjonali (eż. COST ES0603, HIALINE, PASODOBLE jew AIS Life plus) u għal provi kliniċi u għalhekk huma ta’ importanza kbira għal studji klimatoloġiċi, allerġiċi, ekoloġiċi u meteoroloġiċi, anke fid-dawl tal-effetti ta’ chnage klimatiku.