Sistema Ewropea ta’ Informazzjoni dwar in-Nirien fil-Foresti (EFFIS)

Is-Sistema Ewropea ta’ Informazzjoni dwar in-Nirien fil-Foresti (EFFIS) ġiet stabbilita mill-Kummissjoni Ewropea f’kollaborazzjoni mal-amministrazzjonijiet nazzjonali tat-tifi tan-nar biex tappoġġa s-servizzi inkarigati mill-protezzjoni tal-foresti kontra n-nirien fl-UE u fil-pajjiżi ġirien, u wkoll biex tipprovdi lill-istituzzjonijiet tal-UE b’informazzjoni armonizzata dwar in-nirien fil-foresti fl-Ewropa.

Mill-1998, l-EFFIS hija appoġġata minn network ta’ esperti.

L-EFFIS tikkonsisti f’sistema modulari ta’ informazzjoni ġeografika fuq il-web li tipprovdi informazzjoni qrib il-ħin reali u storika dwar in-nirien fil-foresti u r-reġimi tan-nirien fil-foresti fir-reġjuni Ewropej, tal-Lvant Nofsani u tal-Afrika ta’ Fuq. Il-monitoraġġ tan-nirien fl-EFFIS jinkludi ċ-ċiklu sħiħ tan-nirien, li jipprovdi informazzjoni dwar il-kundizzjonijiet ta’ qabel in-nirien u jivvaluta l-ħsarat ta’ wara n-nirien.

Il-Viżwalizzatur tas-Sitwazzjoni Attwali tal-EFFIS jipprovdi aċċess għat-tbassiriet tal-perikli tan-nirien u għal informazzjoni rilevanti oħra bbażata fuq il-mapep.