Is-Sistema Ewropea tas-Saħħa tas-Sħana

Dan is-servizz pan-Ewropew unifikat se jiġi adattat għas-soċjetajiet Ewropej kollha bl-użu ta’ data meteoroloġika u dwar il-mortalità ta’ kuljum biex jitqiesu d-differenzi reġjonali fil-vulnerabbiltà tal-bniedem u l-adattament tas-soċjetà għall-varjabbiltà u t-tibdil fil-klima. L-iżvilupp ta’ din l-għodda ta’ sorveljanza epidemjoloġika għandu l-għan li jikkontribwixxi għal sistema aħjar ta’ monitoraġġ u tbassir tar-riskji għas-saħħa relatati mat-temperatura. Is-sistema se tipprovdi twissijiet aktar realistiċi, tqajjem kuxjenza u tappoġġa l-ġestjoni tas-saħħa pubblika u t-teħid tad-deċiżjonijiet.