Pjattaforma dwar il-finanzi sostenibbli

Id-djalogu u l-kooperazzjoni mill-qrib fost firxa wiesgħa ta’ partijiet ikkonċernati mis-settur pubbliku u privat se jkunu kruċjali biex jintlaħqu l-għanijiet tar-Regolament dwar it-Tassonomija tal-UE u fl-aħħar mill-aħħar tal-Patt Ekoloġiku Ewropew u l-miri klimatiċi tal-UE għall-2030 u l-2050.

Il-Pjattaforma dwar il-Finanzi Sostenibbli għandha rwol ewlieni biex tippermetti tali kooperazzjoni billi tlaqqa’ flimkien l-aħjar għarfien espert dwar is-sostenibbiltà mis-settur korporattiv u pubbliku, mill-industrija kif ukoll mill-akkademja, mis-soċjetà ċivili u mill-industrija finanzjarja.

Bħala grupp permanenti ta’ esperti tal-Kummissjoni Ewropea li ġie stabbilit skont l-Artikolu 20 tar-Regolament dwar it-Tassonomija, il-Pjattaforma se tassisti lill-Kummissjoni fl-iżvilupp tal-politiki ta’ finanzjament sostenibbli tagħha, b’mod partikolari l-iżvilupp ulterjuri tat-tassonomija tal-UE.