Ħarsa ġenerali lejn il-politika 2014-2020 – Programm(i) ta’ żvilupp rurali tal-UE

F'konformità ma' Ewropa 2020, li tindika li t-tkabbir ekonomiku futur fl-UE għandu jkun intelliġenti, sostenibbli u inklużiv, u mal-objettivi ġenerali tal-PAK jistgħu jiġu identifikati tliet objettivi strateġiċi fit-tul għall-politika ta' żvilupp rurali tal-UE fil-perijodu 2014-2020:

 

it-titjib tal-kompetittività tal-agrikoltura;

il-ġestjoni sostenibbli tar-riżorsi naturali u l-azzjoni klimatika; 

* żvilupp territorjali bbilanċjat taż-żoni rurali.

 

Permezz tal-Programmi tal-Iżvilupp Rurali (PŻR) dawn l-objettivi wesgħin jingħataw espressjoni aktar dettaljata f’6 prijoritajiet:

 

1. It-trawwim tat-trasferiment tal-għarfien fl-agrikoltura, il-forestrija u ż-żoni rurali

2. It-titjib tal-kompetittività tat-tipi kollha ta’ agrikoltura u t-titjib tal-vijabbiltà tal-azjendi agrikoli

3. Il-promozzjoni tal-organizzazzjoni tal-katina alimentari u l-ġestjoni tar-riskju fl-agrikoltura

4. Ir-restawr, il-preservazzjoni u t-tisħiħ tal-ekosistemi dipendenti fuq l-agrikoltura u l-forestrija

5. Il-promozzjoni tal-effiċjenza fir-riżorsi u l-appoġġ tal-bidla lejn ekonomija b'livell baxx ta' emissjonijiet ta' karbonju u reżiljenti għat-tibdil fil-klima fis-setturi tal-agrikoltura, tal-ikel u tal-forestrija

6. Il-promozzjoni tal-inklużjoni soċjali, it-tnaqqis tal-faqar u l-iżvilupp ekonomiku fiż-żoni rurali