Proġett Reġjuni 2020 - mapep u settijiet ta' data

"Reġjuni 2020" jipprovdi l-ewwel analiżi prospettiva tal-impatt reġjonali probabbli ta' erbgħa mill-akbar sfidi li qed tiffaċċja l-Ewropa: il-globalizzazzjoni, it-tibdil demografiku, it-tibdil fil-klima, u l-provvista tal-enerġija. Bl-użu ta’ serje ta’ indikaturi, il-mapep juru l-grad ta’ vulnerabbiltà tar-reġjuni Ewropej għal dawn l-isfidi, u jeżaminaw id-disparitajiet potenzjali li dawn jistgħu jiġġeneraw madwar l-UE. Biex jiġi analizzat l-impatt tat-tibdil fil-klima fuq ir-reġjuni NUTS-2 tal-UE nbena indiċi, li juża informazzjoni dwar il-vulnerabbiltà tar-reġjuni għan-nixfiet u l-għargħar, l-effetti potenzjali fuq l-agrikoltura, is-sajd u t-turiżmu kif ukoll iż-żoni urbani u kostali, filwaqt li jitqiesu l-bidliet fit-temperatura u l-preċipitazzjoni. Barra minn hekk, il-PDG per capita jintuża bħala indikatur tal-potenzjal ta’ adattament tar-reġjuni. B’dan l-indiċi, ir-reġjuni NUTS-2 tal-UE nqasmu fi 3 gruppi skont il-vulnerabbiltà tagħhom għat-tibdil fil-klima. Għall-eżami tal-mapep, huwa meħtieġ browser reċenti bħal Google Chrome.