Il-Window ta' l-Ilma

WaterWindow huwa portal ta’ informazzjoni fejn jistgħu jinstabu soluzzjonijiet tal-ilma u tal-klima, ippruvati b’suċċess fin-Netherlands. Is-soluzzjonijiet, il-prodotti u s-servizzi kollha huma marbuta ma’ prattika ta’ suċċess u pprovduti b’informazzjoni komplementari dwar il-vantaġġi, iż-żmien meħtieġ għall-implimentazzjoni u l-istat ta’ żvilupp, mill-istadju inizjali tas-soluzzjoni (prinċipji bażiċi osservati u rrapportati) sal-aktar stat matur tagħha (li ġie ppruvat b’suċċess f’sitwazzjonijiet operazzjonali).

Is-soluzzjonijiet jistgħu jiġu esplorati minn suġġetti (eż. is-sikurezza tal-ilma, il-kwantità tal-ilma, il-kwalità tal-ilma) u minn kwistjonijiet (eż. periklu ta’ għargħar, intrużjoni tal-ilma mielaħ, ewtrofikazzjoni, nuqqas ta’ ilma). L-utenti jistgħu wkoll jibbrawżjaw soluzzjonijiet bl-użu ta’ filtri speċifiċi, billi jagħżlu pereżempju t-tipoloġija tal-ilma (eż. l-ilma baħar, l-ilma ta’ taħt l-art), it-tip ta’ setting (eż. iż-żona kostali, iż-żona urbana), l-organizzazzjoni involuta jew saħansitra jagħżlu temi orizzontali speċifiċi, inkluż l-adattament għat-tibdil fil-klima, is-sostenibbiltà u l-bini b’approċċ tan-natura.