Pjattaforma ta’ informazzjoni dwar ir-reżiljenza għall-bliet u l-irħula Adrijatiċi (ADRIADAPT)

ADRIADAPT għandha l-għan li tippromwovi r-reżiljenza lokali u reġjonali billi tiżviluppa l-bażi tal-għarfien meħtieġa biex jiġu identifikati għażliet xierqa ta’ adattament u ppjanar għat-tibdil fil-klima. B’dan il-mod, il-proġett se jippermetti lill-awtoritajiet lokali jwieġbu għall-ħtiġijiet ta’ politika relatati mal-azzjoni klimatika fiż-żoni urbani u kostali taż-żona tal-proġett. L-għan tal-proġett huwa appoġġat minn erba’ azzjonijiet:

• L-armonizzazzjoni u t-titjib tal-għarfien disponibbli relatat mal-klima ġġenerat min-networks nazzjonali u Ewropej eżistenti ta’ monitoraġġ u ġbir tad-data, u l-produzzjoni ta’ settijiet tad-data u projezzjonijiet b’riżoluzzjoni għolja li jipprovdu informazzjoni dettaljata u affidabbli dwar l-impatti relatati mal-klima fir-reġjuni, li se jissawru f’forom li jistgħu jintużaw faċilment għall-proċess tat-teħid tad-deċiżjonijiet.
• Tinħoloq sistema ta’ informazzjoni dwar il-klima jew pjattaforma ta’ għarfien għar-reġjun Adrijatiku li jkun fiha l-aħjar prattiki, dokumenti ta’ gwida, oqfsa legali u studji dwar il-klima u l-vulnerabbiltà, biex jitrawwem it-tfassil ta’ pjanijiet u miżuri ta’ adattament u reżiljenza fuq skala multipla, li jappoġġaw sistemi soċjoekoloġiċi sikuri u sostenibbli, li jgħaqqdu d-dinamika naturali, soċjali u ekonomika li taqsam b’mod trasversali miż-żoni interni, kostali u tal-baħar fiż-żewġ pajjiżi sħab.
• Tittestja u tintegra l-pjattaforma tal-għarfien ma’ sħab mill-bliet pilota Taljani u Kroati parteċipanti u żoni urbani estiżi fejn se jitfasslu pjanijiet ta’ adattament u reżiljenza.
• Iż-żamma u t-tixrid tal-informazzjoni li tinsab fil-pjattaforma tal-għarfien bħala repożitorju speċifiku għar-reġjun għall-politika u l-pjanijiet dwar il-klima, li tipprovdi appoġġ u informazzjoni lokalment rilevanti għall-bliet segwaċi li għandhom l-għan li jippjanaw ir-reżiljenza għat-tibdil fil-klima.

Ir-riżultati jinkludu l-Pjattaforma għar-Reżiljenza ta’Adriadapt ( www.adriadapt.eu) b’għodod u għarfien għall-ippjanar klimatiku (sett ta’ għodod) ittestjati mal-awtoritajiet lokali, settijiet lokali ta’ informazzjoni dwar il-klima u pjanijiet dwar ir-reżiljenza għat-tibdil fil-klima.