Rabta bejn ix-xjenza u s-soċjetà (Climateurope)

Climateurope huwa:

• In-network madwar l-Ewropa kollha għar-riċerkaturi, il-fornituri u l-utenti tal-informazzjoni dwar il-klima;
• Post għall-kondiviżjoni tal-aħjar prattiki, lakuni u rakkomandazzjonijiet u għall-iskoperta tal-ogħla livell ta’ żvilupp tekniku dwar l-osservazzjonijiet, l-immudellar u s-servizzi klimatiċi;
• Opportunità biex ikun hemm interazzjoni attiva mal-utenti u l-fornituri tal-informazzjoni dwar il-klima.

Il-kunċett ġenerali wara Climateurope huwa li jinħoloq u jiġi ġestit qafas għall-koordinazzjoni, l-integrazzjoni u l-appoġġ tal-attivitajiet ta’ riċerka u innovazzjoni tal-Ewropa fl-oqsma tal-immudellar tas-Sistema tad-Dinja u s-servizzi klimatiċi. L-għan ta’ dan il-kunċett huwa li jinħoloq valur soċjali u ekonomiku akbar għall-Ewropa permezz ta’ tħejjija mtejba għar-riskji u l-opportunitajiet relatati mal-klima u l-ġestjoni tagħhom li jirriżultaw mill-fatt li l-għarfien Ewropew ta’ klassi dinjija jsir aktar utilizzabbli u b’hekk aktar applikabbli għat-tfassil tal-politika u t-teħid tad-deċiżjonijiet.