Network Ewropew ta’ sħubija għall-innovazzjoni li jippromwovi gruppi operazzjonali ddedikati għall-forestrija u l-agroforestrija (FOREST4EU)

FOREST4EU huwa proġett ta’ Orizzont Ewropa, li jippromwovi grupp operazzjonali ddedikat għall-forestrija u l-agroforestrija li għandu l-għan li jgħaqqad il-Gruppi Operazzjonali (OGs) eżistenti minn pajjiżi differenti madwar l-Ewropa, sabiex jiffavorixxi t-trasferiment tal-għarfien u l-aħjar prattiki bejn l-esperti f’dan il-qasam.

Il-proġett jaħdem ma’ 5 Ċentri Tematiċi tal-Innovazzjoni (ITHubs) b’diversi atturi tal-UE b’rabta ma’ 5 suġġetti identifikati fis-setturi tal-forestrija u tal-agroforestrija:

• Mobilizzazzjoni tal-injam;
• L-adattament tal-foresti għat-tibdil fil-klima;
• It-titjib tal-approċċi, il-mudelli u l-għodod tal-ġestjoni sostenibbli tal-foresti;
• Prodotti tal-foresti mhux tal-injam;
• Agroforestrija

Is-soluzzjonijiet differenti żviluppati mill-Gruppi Operazzjonali huma ppreżentati f’taqsima speċifika tas-sit web tal-proġett. B’mod partikolari, iċ-ċentru dwar l-adattament tal-foresti għat-tibdil fil-klima fih ġabra ta’ skedi informattivi żviluppati mill-Gruppi Operazzjonali tal-EIP-AGRI li juru l-innovazzjonijiet fl-adattament għat-tibdil fil-klima fis-setturi tal-foresti u tal-agroforestrija, il-Ġbir u l-analiżi jiġu pproċessati mill-parterns tal-proġett FOREST4EU.

L-iskedi informattivi jistgħu jiġu aċċessati direttament fil-link li ġejja.