Għodda ta’ ppjanar integrat biex tiġi żgurata l-vijabbiltà tal-mergħat (LIFE Viva Grass)

Il-bwar naturali u seminaturali (NSG) huma ekosistemi kumplessi li jipprovdu firxa ta’ funzjonijiet u servizzi tal-ekosistema, li huma essenzjali għaż-żamma tal-bijodiversità u ta’ soċjetajiet b’saħħithom b’mod ġenerali. It-telf tal-bijodiversità tal-bwar iwassal għad-degradazzjoni u saħansitra għall-qerda totali tal-funzjonijiet u tas-servizzi tal-ekosistema, li jkunu jeħtieġu investimenti finanzjarji enormi biex jiġu pprovduti b’mod artifiċjali. Il-proġett kellu l-għan li jipprevjeni t-telf ta’ bwar b’Valur Naturali Għoli u jżid l-effettività tal-ġestjoni tal-bwar seminaturali billi jiżviluppa l-Għodda għall-Ippjanar tal-Integrazzjoni. L-għodda, ibbażata fuq l-approċċ tas-servizzi tal-ekosistema, tgħin biex jissaħħu r-rabtiet bejn l-għelieqi u l-politiki soċjali, ekonomiċi, ambjentali u agrikoli fil-ġestjoni tal-bwar. Ir-riżultati tal-għodda jgħinu fl-ippjanar u fit-teħid ta’ deċiżjonijiet fil-ġestjoni sostenibbli tal-bwar. Il-proġett wera wkoll opportunitajiet għall-użu multifunzjonali tas-servizzi tal-ekosistema tal-mergħat bħala bażi għall-iżvilupp sostenibbli taż-żoni rurali.