Użu mill-ġdid tal-WAter Mhux Konvenzjonali fl-Agrikoltura fil-pajjiżi MEditerranji (MENAWARA)

Il-pressjoni tal-ilma f’dawn l-aħħar deċennji wasslet għal distakk dejjem jikber bejn il-provvista u d-domanda u għal deterjorament fil-kwalità tas-sorsi tal-ilma superfiċjali u ta’ taħt l-art fir-reġjun tal-Mediterran. Il-pajjiżi Mediterranji għadhom imqattgħin bejn il-politiki l-qodma u dawk ġodda dwar l-ilma, u n-nuqqas ta’ ilma mhuwiex relatat biss maż-żieda fid-domanda, iżda wkoll ma’ infrastruttura u prattiki ta’ ġestjoni ħżiena.

L-isfidi konġunti tal-proġett MENAWARA jikkonsistu fil-provvista ta’ riżorsi addizzjonali billi jiġu riċiklati d-drenaġġ u l-ilma mormi, jiġi sfruttat it-telf tal-ilma, jiġu razzjonalizzati l-prattiki tal-użu tal-ilma u jiġu stabbiliti mudelli ta’ governanza operazzjonali f’konformità mal-pjanijiet nazzjonali u internazzjonali.

Il-proġett huwa mfassal biex itejjeb l-aċċess għall-ilma permezz tat-trattament tal-ilma mormi biex jerġa’ jintuża bħala irrigazzjoni komplementari u biex isaħħaħ il-kapaċità tal-istituzzjonijiet governattivi, l-atturi mhux statali li joperaw fis-settur, it-tekniċi, u l-bdiewa.

Il-proġett se jnaqqas l-istress fuq is-sorsi tal-ilma ħelu u se jtejjeb il-kwalità tal-ilma mormi ttrattat fl-agrikoltura. Se jinħolqu impjiegi ġodda billi tiżdied il-wiċċ ta’ art fertili mgħammra b’soluzzjonijiet innovattivi għall-provvista tal-ilma. Il-proġett se jikkontribwixxi wkoll għal żieda fl-aċċettazzjoni mill-bdiewa tal-użu tal-ilma mormi ttrattat, u b’hekk jiġu ffrankati l-fertilizzanti u jiżdied il-profitt.