Regions4Climate (Regions4Climate)

Il-proġett Regions4Climate għandu l-għan li jiżviluppa u juri b’mod kollaborattiv tranżizzjoni soċjalment ġusta għar-reżiljenza għall-klima. Abbażi ta’ pjanijiet direzzjonali transsettorjali żviluppati flimkien mal-partijiet ikkonċernati reġjonali, il-proġett se joħloq u jimplimenta innovazzjonijiet li jikkombinaw soluzzjonijiet soċjokulturali, teknoloġiċi, diġitali, kummerċjali, ta’ governanza u ambjentali biex titnaqqas il-vulnerabbiltà tar-reġjuni Ewropej għall-impatti tat-tibdil fil-klima.

Il-proġett  jippjana u jimplimenta innovazzjonijiet realireżiljenti għall-klima maħluqa min-nies u għalihom b’reazzjoni għall-missjoni tal-UE Adattament għat-tibdil fil-klima. Minħabba t-tibdil fil-klima, l-għajxien, il-benesseri u l-ambjent tagħna huma mhedda. Tranżizzjoni lejn ir-reżiljenza saret urġenti u obbligatorja. Din il-ħtieġa tirrikjedi li nindirizzaw simultanjament l-inugwaljanzi soċjali u nimplimentaw innovazzjonijiet transsettorjali biex nibnu reżiljenzasoċjali, ekonomika u ambjentali għal avvenimenti estremi.

L-għanijiet ewlenin tal-proġett jinkludu:

• l-iżvilupp ta’ qafas operazzjonali komprensiv biex jiggwida u jappoġġa firxa wiesgħa ta’ partijiet ikkonċernati lokali u reġjonali biex joħolqu, jittestjaw, jottimizzaw u jirreplikaw soluzzjonijiet skalabbli, kosteffettivi, attwati lokalment, multisettorjali u transfruntiera għal reżiljenza reġjonali msaħħa għall-impatti tat-tibdil fil-klima;
• iż-żieda u l-użu ta’ soluzzjonijiet innovattivi soċjoteknoloġiċi għar-reżiljenza għat-tibdil fil-klima permezz ta’ kollaborazzjoni u “ġemellaġġ” bejn reġjuni minn ta’ quddiem u dawk b’inqas esperjenza vulnerabbli għal riskji u impatti klimatiċi simili;

• il-ġenerazzjoni u l-validazzjoni ta’ soluzzjonijiet xierqa għal trasformazzjoni ġusta tas-soċjetà u l-bini ta’ reżiljenza għall-klima fil-livell reġjonali u lokali permezz ta’ miżuri mfassla apposta li jissodisfaw il-ħtiġijiet lokali.