Strateġiji għall-biedja organika u b'input baxx għall-mitigazzjoni u l-adattament għat-tibdil fil-klima (LIFE SOLMACC)

Il-proġett SOLMACC għandu l-għan li juri li l-biedja tista’ ma tagħmilx ħsara lill-klima billi japplika taħlita ta’ prattiki tal-biedja organika ottimizzati biex jirrispondu għat-tibdil fil-klima.  Madwar l-Ewropa, 12-il azjenda agrikola ta’ dimostrazzjoni ntgħażlu bil-bdiewa jaġġustaw it-tekniki agrikoli tagħhom matul ħames snin taħt monitoraġġ u superviżjoni xjentifiċi mill-qrib. L-immudellar se jippermetti li jsiru previżjonijiet dwar l-impatt fit-tul fuq il-ħamrija, il-bijodiversità u l-klima bir-riżultati tal-proġett użati biex jiġu żviluppati approċċi trasferibbli għal azjendi agrikoli oħra, kemm jekk ikunu organiċi kif ukoll konvenzjonali.
SOLMACC ifittex li jippromwovi adozzjoni usa’ ta’ prattiki innovattivi li jistgħu jikkontribwixxu biex jintlaħqu l-objettivi tal-UE dwar il-mitigazzjoni tat-tibdil fil-klima u l-adattament għalih fis-settur tal-ikel u tal-biedja.
It-12-il azjenda agrikola organika fl-Iżvezja, fil-Ġermanja u fl-Italja se japplikaw erba’ prattiki agrikoli innovattivi li ma jagħmlux ħsara lill-klima: riċiklaġġ ottimizzat tan-nutrijenti fl-azjenda agrikola; newba ottimizzata tal-għelejjel b’newbiet tal-ħaxix tal-legumi; sistema ottimizzata ta’ ħdim tar-raba’; u l-agroforestrija.