Żvilupp ta’ politika appoġġat mill-għodod għall-adattament reġjonali (ToPDAd)

Il-proġett ToPDAd jiżviluppa għodod biex jappoġġja t-teħid tad-deċiżjonijiet min-negozji u l-gvernijiet reġjonali għall-adattament għat-tibdil fil-klima. L-objettiv huwa li jinstabu l-aħjar strateġiji għall-adattament għat-tibdil mistenni fil-klima fuq terminu qasir u fit-tul. B’mod partikolari, il-proġett jiżviluppa metodoloġija integrata biex jiġu vvalutati l-istrateġiji ta’ adattament għat-tibdil fil-klima u mbagħad japplikaha għal seba’ studji ta’ każijiet reġjonali mis-setturi tal-enerġija, tat-trasport u tat-turiżmu. 

L-istudji tal-każijiet ikopru firxa wiesgħa ta’ reġjuni fl-Ewropa u jipprovdu għarfien dwar l-effetti ekonomiċi tat-tibdil fil-klima u l-miżuri ta’ adattament sal-2050 jew l-2100. Billi jikkombinaw mudelli settorjali u mudelli makroekonomiċi, l-istudji tal-każijiet jipprovdu kemm perspettiva settorjali kif ukoll informazzjoni dwar l-effetti ekonomiċi (inter)nazzjonali ġenerali.