Approċċi agroekoloġiċi u approċċi innovattivi oħra għal sistemi agrikoli u alimentari sostenibbli li jtejbu s-sigurtà alimentari u n-nutrizzjoni

Ir-rapport, żviluppat mill-Bord ta’ Esperti ta’ Livell Għoli għas-Sigurtà Alimentari u n-Nutrizzjoni (HLPE), jesplora n-natura u l-kontributi potenzjali ta’ approċċi agroekoloġiċi u approċċi innovattivi oħra għall-formulazzjoni ta’ tranżizzjonijiet lejn sistemi tal-ikel sostenibbli (SFSs) li jtejbu s-sigurtà alimentari u n-nutrizzjoni (FSN). L-HLEP adotta perspettiva dinamika u fuq skala multipla, li tiffoka fuq il-kunċetti ta’ tranżizzjoni u trasformazzjoni. Jeħtieġ li jseħħu ħafna tranżizzjonijiet b’mod partikolari fis-sistemi ta’ produzzjoni u tul il-katina tal-valur tal-ikel biex tinkiseb trasformazzjoni kbira tas-sistemi tal-ikel kollha. Kemm it-tranżizzjonijiet inkrimentali fuq skala żgħira kif ukoll il-bidliet strutturali fl-istituzzjonijiet u n-normi fuq skala akbar jeħtieġ li jseħħu b’mod koordinat u integrat sabiex tinkiseb it-trasformazzjoni mixtieqa tas-sistema globali tal-ikel.

Dan ir-rapport u r-rakkomandazzjonijiet tiegħu għandhom l-għan li jippreżentaw lil dawk li jieħdu d-deċiżjonijiet, fl-“isferi tas-soċjetà” differenti, b’evidenza dwar il-kontribut potenzjali ta’ approċċi, prattiki u teknoloġiji agroekoloġiċi u oħrajn innovattivi għat-tfassil u l-implimentazzjoni ta’ sistemi tal-ikel sostenibbli li jikkontribwixxu għall-FSN.