L-ibbilanċjar tal-futur tal-kosti tal-Ewropa - bażi ta' għarfien għal ġestjoni integrata

L-objettiv ta’ dan ir-rapport huwa li jitfassal approċċ analitiku għaż-żoni kostali fl-Ewropa, u li dan jitqiegħed fil-kuntest tal-muturi soċjoekonomiċi l-ġodda tat-tkabbir sostenibbli, u l-formazzjoni ta’ qafas ta’ politika integrat ġdid. Dan il-qafas jibni fuq approċċ ta’ ġestjoni bbażat fuq l-ekosistema u ppjanar u ġestjoni spazjali integrati.

Ir-rapport jippreżenta xi sfidi ewlenin għas-sostenibbiltà għaż-żoni kostali u l-ilmijiet Ewropej, u jenfasizza l-ħtieġa għal bażi ta’ għarfien konsolidata u kondiviżjoni mifruxa ta’ informazzjoni biex jiġu appoġġati azzjonijiet informati ta’ żvilupp u ġestjoni tal-politika.

B’mod partikolari, hemm kapitoli dwar it-tkabbir sostenibbli tal-baħar u dak marittimu, il-ġestjoni bbażata fuq l-ekosistema u l-prijoritajiet ta’ adattament għall-kosti, il-formazzjoni ta’ qafas ta’ politika integrat ġdid u l-bażi tal-għarfien għal ġestjoni integrata.