BETTER GROWTH BETTER CLIMATE - Ir-Rapport il-Ġdid dwar l-Ekonomija Klimatika, rapport globali

Il-Kummissjoni Globali dwar l-Ekonomija u l-Klima twaqqfet biex teżamina jekk huwiex possibbli li jinkiseb tkabbir ekonomiku dejjiemi filwaqt li jiġu indirizzati wkoll ir-riskji tat-tibdil fil-klima. Ir-rapport tiegħu jfittex li jinforma lil dawk li jieħdu d-deċiżjonijiet ekonomiċi kemm fis-settur pubbliku kif ukoll f'dak privat, li ħafna minnhom jirrikonoxxu r-riskji serji kkawżati mit-tibdil fil-klima, iżda jeħtieġ ukoll li jindirizzaw tħassib aktar immedjat bħall-impjiegi, il-kompetittività u l-faqar. Ir-rapport jiġbor flimkien l-evidenza u l-analiżi, filwaqt li jitgħallem mill-esperjenza prattika tal-pajjiżi, il-bliet u n-negozji madwar id-dinja. Il-konklużjoni tar-rapport hija li l-pajjiżi fil-livelli kollha tal-introjtu issa għandhom l-opportunità li jibnu tkabbir ekonomiku dejjiemi fl-istess ħin li jnaqqsu r-riskji enormi tat-tibdil fil-klima. Dan huwa possibbli permezz ta’ bidliet strutturali u teknoloġiċi li qed iseħħu fl-ekonomija globali u opportunitajiet għal effiċjenza ekonomika akbar. Il-kapital għall-investimenti meħtieġa huwa disponibbli, u l-potenzjal għall-innovazzjoni huwa vast. Hemm bżonn ta’ tmexxija politika b’saħħitha u politiki kredibbli u konsistenti. Dan ir-rapport iffoka primarjament fuq it-trawwim ta’ ekonomija b’livell baxx ta’ emissjonijiet ta’ karbonju, u bħala tali l-adattament ma kienx fiċ-ċentru, madankollu jirrikonoxxi li l-mitigazzjoni, l-adattament u l-iżvilupp huma minsuġa mill-qrib, fl-agrikoltura, fil-bini, fit-trasport u fl-infrastruttura, inkluż fl-ekonomija kollha u jipprovdi eżempji.